الدراسه في جامعة سالفورد (ماجستير)

السلام عليكم:
حبيت أعرج على الموضوع اللي تطرق اليه ليث (جزاه الله خير) عن قلة المعلومات المتوفره في مواقع الانترنت للجامعات بشكل عام.مثل ما يقول المثل: اللي في الواقع غير عن اللي في المواقع ( أول مره اسمع بهالمثل :o). وأسرد تجربتي في سالفورد من خلال نقطتين:

أولا) بالنسبه لمواد الفصل الاول غالبا وفي بعض التخصصات في سالفورد تكون أجباريه (ويقولوا بلد ديموقراطي >:(). يعني اللي جاء من بلاده ومتحمس يريد يسجل المواد يعطوه الجدول مطبوع و جاهز ??? مع العلم ان ذللك يتنافي مع ما هو موجود في الموقع الرسمي للجامعه اللي يقول بأن للطالب ان يختار من مجموعة مواد. قد تكون بعض هذي المواد لا تتناسب و ميول الطالب. فالذي ناوي يجي هالجامعه يحط في باله انه يقدر يختار مواد الفصل الثاني فقط ( اتكلم عن البزنس سكول وبعض التخصصات الاخرى).

ُثانيا) بالنسبه للسكن الجامعي، يرووك في الموقع صور مبالغ فيها تقول فايف ستارز ( واحد من الضحايا). وتنصدم بالواقع المرير. بامكان الواحد اضافة مبلغ زهيد والسكن في مكان افضل. ولكن هناك ايجابيات للسكن الداخلي منها سرعة النت باضعاف المرات و أمان المبنى من الجرائم خاصة ان سالفورد مشهورة بارتفاع معدلات الجرائم. أضف الى ذللك وفرة عدد كبير من الطلاب من نفس التخصص الامر الذي يسهل من عملية المذاكره الجماعيه التي هي ضروريه في بعض الاحيان. أما السلبيات للسكن الداخلي في سالفورد فتكمن في قلة الخدمات من مطاعم وأسواق مما يضطر الواحد أحيانا يمشي لمسافه لاتقل عن 40 دقيقه وهذا يكون قبل حلول الظلام تجنبا للحوادث والمشاكل مع الراهقين الذين يتكاثرون في الظلام (حشا خفافيش ). ,لكن نصيحتي السكن في السيتي سنتر تبعد عن الجامعه 20 دقيقه ولكن افضل من كل النواحي وهذا اللي قلته لاحد الاخوه اتصل بي قبل شهرين للاستفسار. وعشان تكون في السيف سايد وبغيت تجرب السكنين، لا تدفع رسوم السكن الجامعي بالكامل، ادفع مال كم شهر عشان تقدر تغير في حالة انه ما عجبك.
أذا استجد أمر أخر، ساطرحه باقرب فرصه ان شاء الله.

حظ موفق للجميع،،،
والسلام عليكم،،،،،،،،